旅遊攻略 – 名古屋 (景點篇) – 名古屋城
好多人都話，日本唔同既地方既城都好似樣，名古屋城都一樣，同其他地方，例如大阪城都好似。不過作為夕名古屋既招牌景點，唔介紹又講唔過去既。
名古屋城位於公園既中間，如果唔俾入場費係連個外牆都映唔到呀! 入到去你會發現名古屋城已經經歷左好多既修葺工程。特別係個本丸御殿 (當年用黎招待重要人物既地方)，修復到好似新既一樣，可惜，無左最原本既特色囉。
去到天守閣，個外型都仲保持到原來既味道既，只不過內部真係裝修到不得了，除左安裝左冷氣，電梯，有一層甚至係複製當年既場景，係好有特色，不過人造味太重啦! 名古屋城中最著名的是金鯱，係天守閣入口都擺放左一大隻俾遊客映相。金鯱係好有故事，想當年佢係純金，不過因為地方經濟既困難，曾經4次俾人抽去金既成分去解決財政困難，令佢既純金度不停下降。
去到天守閣，記得要上去觀景層，因為可以睇到名古屋既全景。仲有呀，呢層有部唔係好覺眼既機器，500円可以買到名古屋城同迪士尼合作既限定紀念幣，一共有4款，而且隔離仲有部刻名既機器，俾100円就可以刻自己個名上去，咁就可以有最獨一無二既手信啦!
下一集我地會繼續介紹名古屋既景點，豐田產事技術紀念館。
Search